د افغانستان د کرکټ او فوټبال ملي لوبډلې نن (یکشنبه) له بنګله دېش سره مخامخ کېږي. د هېواد د کرېکټ لوبغاړي به نن (یکشنبه) د پاکستان په لاهور ښار کې له بنګله دېش سره د اسیا د ملتونو جام سیالیو لومړۍ لوبه ترسره کړي او د افغانستان د فوټبال ملي لوبډله به نن (یکشنبه) په یوه دوستانه لوبه کې له بنګله دېش سره مخامخ شي. د فوټبال فدراسیون د معلوماتو له مخې دغه دوستانه لوبه به د بنګله دېش په پلازمېنه ډاکه کې د کابل پر وخت ۳:۳۰ بجې د دواړو لوبډلو ترمنځ ترسره شي.