د افغانستان کرکټ ملي لوبډلې د نړیوال جام په ترڅ کې خپله دویمه لوبه کوربه هندۍ لوبډلې ته وبایلله. سیالې لوبډلې د افغانستان د ۲۷۳ منډو هدف د خپلو ۲ لوبغاړو په زیان سره بشپړ کړ او دغه لوبه یې د ۸ ویکټو په توپیر په خپل نوم کړه. د افغان لوبډلې په ګټه راشد خان دوه ویکټې ترلاسه کړې.
افغان لوبډله به د یادو سیالیو په ترڅ کې خپله دریمه لوبه د راتلونکې یکشنبې په ورځ د انګلستان پر وړاندې په همدې لوبغالي کې ترسره کړي.