د افغانستان د فوتبال ملي لوبډلې منګولیا ته په ماتې ورکولو سره د نړیوال جام او د اسیا جام د ګروپي پړاو لوبو ته لار ومونده.
نن په دوهمه لوبه کې چې د منګولیا په پلازمېنه اولانباتور کې ترسره شوه، افغانستان منګولیا ته یو د صفر پر وړاندې ماتې ورکړه.
په مخکېنۍ لوبه کې چې تېره اوونۍ په تاجکستان کې ترسره شوې وه هم افغانستان د یوه ګول په وهلو سره له منګولیا لوبه ګټلې وه.
د نړیوال جام او اسیا جام په ګروپي پړاو کې به افغانستان له قطر، هند او کویټ سره په یوه ګروپ کې وي.