د فاریاب ولایت سیمهییزو سرچینو څرګنده کړې، چې د دې ولایت د ګرزیوان ولسوالۍ په یوه ښوونځي کې اور لګېدلی دی.
د فارياب ولايت د اطلاعاتو او فرهنګ رييس شمس الله محمدي دا اورلګېدنه تائيدوي او وايي، چې پر ښوونځی د يکشنبې پر ماښام (د تلې ٣٠ ) اور ولګېد.
دا ښوونځی د جرکلا لیسه نومیږي.
په ټولنیزو رسنیو کې خپاره شوي انځورونه ښيي، چې له یوه ښوونځي د اور لمبې پورته کیږي.
خلک د اور پر مړکولو ونه توانېدل.
تر اوسه د دې اورلګېدنې د لامل په اړه څه ویل شوي نهدي.
