د کابل ښاروالۍ د ښار هوا ککړېدو مخنیوي په موخه ټولو ښاریانو، په ځانګړې توګه د لوړ پوړیزو، د دولتي او غيردولتي ودانيو، حمامونو، د لامبو حوضونو، رسټورانټونو او هوټلونو مالکانو او نورو اصنافو ته خبر ورکړی چې د ژمي په موسم کې دې د مرکزګرمیو او تودوخې نورو سیستمونو کې د لوګي د تصفیې فلټرونه نصب کړي.سرچینه زیاتوي چې د مرکزګرمیو او د تودوخې په نورو سیسټمونو کې د لوګي د تصفیې فلټر د نصب او فعالیت له څرنګوالي څارنه کېږي او سرغړوونکي به له قانوني چلند سره مخ شي.