د فرانسې ښوونځيو د نوي تعليمي کال په لومړۍ ورځ په لسونو هغه نجونې بیرته کورونو ته استولي چې «عبايه» ېې اغوستې وه. حکومت ټينګار کوي چې دغه ډول کالي په دغه هېواد کې د حاکم سيکولار قوانينو سره په ټکر کې دي.
د فرانسې د پوهنې وزير د سه شنبې په ورځ «بي اف ام» رسنۍ ته وويل چې په لسونو نجونې زده کونکې چې د عبايه اغوستلو د ممانعت سربېره له دغه لباس سره ښوونځيو ته راغلې وي، د هغو له اغوستلو څخه د نه ډډه کولو په دليل، بېرته کورونو ته واستول شوې.
عبایه يو ډول کالي دي چې له اوږو څخه تر پښو پورې بدن پوښي چې يو شمېر مسلمان مېرمنې ېې اغوندي. د فرانسې حکومت په ښوونځيو کې د دغو جامو اغوستل ممنوع کړي دي.
د فرانسې حکومت د خپل دغه تصمیم د توجيه له پاره ويلي دي چې عبایه له دین سره د تړاو لرلو ښکارندويي کوي چې په ۲۰۱۴م کال کې د یو تصویب شوي قانون پر اساس هغه جامې چې یو دين سره د شخص تړاو لرل وښيي، اغوستل ېې په ښوونځيو کې ممنوع دي.
