د ۵ بېلابېلو څانګو لوبغاړي د هانګجو په آسيايي لوبو کې د ګډون لپاره چين ته ولاړلد افغانستان د بدني روزنې او سپورت عمومي ریاست د سې شنبې پر ورځ څرګنده کړه، چې د هېواد د سوکوهنې، اتلتیک، کورش، وزن پورته کولو او غېږنیونې لوبغاړي په اسیايي لوبو کې د ګډون لپاره د چین هانګجو ښار ته روان شول.ټاکل شوې، چې دغه لوبې راتلونکې شنبه (د تلې لومړۍ / د سپتمبر ۲۳ ) د ۴۵ هېوادونو په ګډون پیل شي.د بدني روزنې او سپورت عمومي ریاست ويلي؛ د دغو سیالیو په ۱۷ څانګو کې له ۱۰۰ ډېر افغان لوبغاړي ګډون کوي.
Byadmin
Sep 20, 2023