د ملي دفاع وزارت چارسمبالي محمد یعقوب مجاهد د پولیسو ااکادمۍ د څوارلسم پړاو په جوړو شویو مراسمو کې افغان کډوالو ته د ډاډ څرګندولو ترڅنګ د مهاجرینو په اړه د پاکستان وروستۍ پرېکړه طالمانه و ګڼله او وایي، چې د کډوالو او مهاجرو جبري شړل وحشت او بربریت دی.
هغه دا ډاډ هم څرګند کړ، چې دفاع وزارت د رهبرۍ او سکتوري وزارتونو تر شاه ولاړ دی او د خپلو پلانونو په پلي کولو کې دې ډاډمن ګامونه پورته کړي.
نوموړي دغه راز ملي پانګوالو ته د امنیت او خوندي چاپېریال ډاډ ورکړ.
نوموړي له افغان پانګوالو وغوښتل، چې خپله شتمني هېواد ته د ننه راولېږدوي او د افغانانو د هېواد د ودې او پرمختګ په ډګر کې ترې ګټه پورته کړي.
محمد یعقوب مجاهد وایي؛ د هېواد د آبادۍ لپاره څلور شیان اړین دي؛ زدهکړې، امنیت، ثبات او سوداګري، چې پرته لهدې پرمختګ، ډاډ، پراختیا او وده ناشونې ده.