د مالیې سرپرست وزیر: راتلونکي مالي کال کې به د غزني ولایت ولسوالیو لپاره په روغتیايي، پراختیايي او بیارغونې برخو کې بویجه ځانګړې شي

د مالیې سرپرست وزیر الحاج ملا محمد ناصر اخوند د غزني ولایت د ۱۹ ولسوالیو له ولسوالانو سره لیدنه کړې او د دوی ستونزې او غوښتنې یې اوریدلي دي.
د غزني ولایت ولسوالانو د خپلو ولسوالیو د ستونزو شریکولو ترڅنګ غوښتنه کړې؛ چي د راتلونکي مالي کال په ملي بودیجه کې د دغه ولسوالیو لپاره په روغتیایي، بیارغونې او نورو برخو کې د پراختیایي پروژو لپاره بودیجه ځانګړې کړي؛ ترڅو د غزني ولایت د ولسونو ستونزي ورسره حل شي.
د مالیې سرپرست وزیر ویلي؛ هڅه کوو، چې د ټولو هېوادوالو ستونزو ته د ملي بودیجې د لګښتونو په وسیله رسېدنه وکړي او ډاډ یې څرګند کړی، چې د غزني ولایت د ولسونو سره به هم، په یادو برخو کي د پروژو پلي کولو په موخه اړینې همکارۍ وشي.