نخستین محموله مواد امدادی چین برای زلزله زدگان صبح روز یکشنبه به میدان هوایی بین‌المللی هرات رسید و به مقامات افغانستان تحویل داده شد.
به گزارش خبرگزاری شینهوا، مواد امدادی از جمله خیمه و دوشک از دو طیاره باربری چینی در میدان هوایی تخلیه گردید.
دولت چین متعهد شده است که برای کمک به افغانستان در زمینه امدادرسانی به زلزله زدگان، کمک‌های بشردوستانه اضطراری ارائه کند. کمک‌های چین عمدتاً شامل خیمه، دوشک و کمپل می‌باشد.
شرکت استخراج معدن چینی MCC-JCL روز پنجشنبه ۲.۲۷ میلیون افغانی (۳۰ هزار دالر امریکایی) به خانواده های زلزله زده هرات کمک کرد.
به گزارش خبرگزاری شنیهوا، شهروندان چینی مقیم افغانستان نیز روز چهارشنبه بیش از ۱۷ هزار دالر به مردم زلزله زده هرات کمک کردند.
